•  Brucerdî: Îran ji bo avedankirina  Sûriyê tam amade ye

Serokê Komîsyona Ewlehiya neteweyî û siyaseta derve ya meclisa şêwra Îslamî ya Îranê got: Têhran amadeyî raberkirina her cure alîkariyê bo avedankirina Sûriyê ye û em hêvî dikin bi hevkarî û beşdariya hevalên Sûriyê, bi zûtirkê pêvajoya avedankirina vî welatî destpê bibe.

 Li gorî rapora ajnasa nûçan a meclisê, Elaedîn  Brucerdî roja çarşemiyê li hevdîtina  Elî El-Şêx nûnerê parlemana  Sûriyê li Têhranê diyar kir: Îran û Sûriye  zirûfên baş bo berfirehkirina  zêdetir a têkiliyên siyasî, aborî, eskerî û navneteweyî bi taybet piştî qeyrana DAIŞ` ê hene.

 Serokê Komîsyona  Ewlehiya neteweyî û siyaseta derve ya meclisa şêwra Îslamî ya Îranê her wiha  bal kişand  ser êrişên  vê dawiyê yên Emerîka û hevpeymanên  rojavayî yên vî welatî bo Sûriyê û wê pêngaveke işkestxwarî bona  vejiyandina  rûmeta ji desçûyî û dayîna rûhiyetê bo terorîstên tekfîrî da zanîn.

  Elî El-Şêx nûnerê parlemana  Sûriyê jî li vê hevdîtinê ji piştgiriyên  Îranê ji gel û  dewleta  Sûriyê spasî kir û got: Inqilaba Îslamî piştgirê hemî nirxên pîroz û bi taybert mesela Qudsê bûye û kiryarên  Komara Îslamî ya Îranê tam li çarçoveya  berjewendiyên  welatên Îslamî û erebî ye.

   Elî El-Şêx nûnerê parlemana  Sûriyê bal kişand ser serketinên vê dawiyê li şerê li hember terorîstan  û got: Rola  hevpeymanên  Sûriyê bi taybet Îranê li bidestxistina  van serketinan nayê haşakirin.

 

 

 

 

Gulan 16, 2018 20:43 Asia/Tehran