• Ayetullah Xatemî: Çi ji destê me were, em ê ji bo zêdekirina birra mûşekên xwe bikin

Pêşnimêjê înê yê Têhranê bal kişand ser vê yekê ku li cîhana îro ku têde gelek mustekbir û zordar hene, em nikarin nebin çekdar û destnîşan kir: Îran hindî bikaribe dê birra mûşekên xwe zêde bikin ku xewê li çavê rayedarên Koşka Sipî heram bike.

 Ayetullah seyd Ehmed Xatemî li xutbeyên  vê hefteyê yên  nimêja îniyê yaTêhranê bal kişand ser vê yekê ku  Îarn jibo rawestana li ber dijminan divê  çekdar û biqawet be û got: Îqtidara Komara Îslamî ya Îranê bi îqtidara  dijminan  feriq dike ji ber ku îqtidara wan jibo destdirêjiyê ye lê îqtidara Îranê jibo berevaniyê ye.

 Ayetullah Xatemî her wiha got: Îranê li warê teknolojiya mûşekî xebata xwe didomîne  da ku ger rojekê dînekî mîna  Rejîma Siyonîstî dilê karekî hebe, Telavîv û Heyfayê tevde ji nav bibe.

 Ayetullah seyd Ehmed Xatemî li xutbeyên  vê hefteyê yên  nimêja îniyê yaTêhranê her wiha  kiryara Donald Trump serokkomarê Emerîkayê derheq bi fermî naskirina  Qudsê wek paytexta Rejîma  Îsraîlê şermezar kir û got: Ev kiryara  Trump bûye sedema  nerazîbûna  ne tenê cîhana Îslamê belkî hevpeymanên  Emerîkayê jî.

 ayetullah Xatemî bal kişand ser vê yekê ku  gelê cîhanê bi awayekî berfireh li hember biryara Trump bertek nîşan dane û got: Tenê şermezarkirina  vê meselê  têrê nake û divê  banî balyozên xwe bikin û balyozxaneyên  Rejîma Siyonîstî li srasnerê cîhanê girêdin.

Pêşnimêjê îniyê yê Têhranê teqez kir: Kiryara Trump nîşan da ku tenê rêçareya Filistînê, întifaze ye û her çiqasî rejîma  Siyonîstî were serkutkirin û derbe lê bikeve, eva pêngevek e ku xwedê pesen dike.

 Donald Trump serokkomarê Emerîkayê, çarşemiyê şevê etvî dijberiyên  berfireh ên  navçeyî û cîhanî, Qudsê weke  paytexta Rejîma qelp a Îsarîlê  bi nav kir.

 

 

 

Dec 08, 2017 16:12 Asia/Tehran