• Rêberê giranqedr ê Inqilabê: Her liv û tevgereke şaş li rêketinnama navokî dê rastî berteka Îranê were

Fermandê mezin ê gişt hêzên Îranê tekez kir: Gelê Îranê xurt û qahêm sekiniye û her hereketa şaş a sîstema serdest li warê rêketinnama navokî, dê rastî berteka Komara îslamî were.

Hezretê ayetullah Xamineyî, rêberê giranqedr ê Înqilaba Îslamî roja yekşemiyê li mersima  kutayiya dersa xwendekarên zanistên ewlehiyê bal kişand ser  çavsorî û rezîltiya  Emerîkayê li warê rêketinnama navokî û got: Emerîka li bara rêketinnama  navokî her roj şerûtî û fend û  fêlekê teze ji xwe nîşan dide ku eva rastbûna  gotina  Îmam Xumeynî (RE) nîşan dide ku Emerîka  wek şeytan û ehrîmenê mezin da zanînê û birastî jî rejîma Emerîkayê, ehrîmenê herî rezîl e.

 Hezretê ayetullah Xamineyî destnîşan kir:Tevî hemî soz û qirar û berpirsiyariyan û behs û nîqaşên zav ser muzakiran, reftara Emerîkayê li hemberî van muzakiran û encama wê zalimane û zordarane ye.

 Wî tekez kir: Bila emerîkî bizanibin ku gelê Îranê dê ser helwestên  xwe yên bi şan û şereft û bihêz raweste û li meselên  giring ên  li bara berjewendiyên  neteweyî, paşdevekişîn di ferhenga  Komara Îslamî ya Îranê de tu wateyeke xwe tine û hema  dê bi pêşde here.

 Rêberê giranqedr ê Inqilaba Îslamî hegera dijminatiya  zêde ya li hemberî gelê Îranê, mînakbûna vî gelî jibo gelên din ên cîhanê da zanîn û got : Berpirsên fasidkar, Virrek û xapokîn ên Emerîkayê,  bi rezîltî gelê Îranê û nizama  Komara  Îslamî ya Îranê bi virekbûnê tawanbar dikin li halekê ku gelê Îranê sadiqane û bi  rastbêjî tev digere û dê bi sedaqet û rastbêjî jî vê riyê heya dawiyê bidomîne. 

Hezretê ayetullah Xamineyî, rêberê giranqedr ê Inqilaba Îslamî bal kişand ser mudaxilên  bi şerûtî û  kirêt  ên Emerîka  û siyonîsmê jibo danîna bandorê ser navçê û dabînkirina  berjewendiyên xwe yên narewa û lawazkirina gelan  û got:  Ew rojekê DAIŞê dadimezrînin û dema ku biviyana  berxwedan  û  ciwanên mumin û bawermend, DAIŞê nefesa xwe ya dawiyê dikşîne li dû riyên din ên  bi rezalet û pîs digerin.

 Hezretê ayetullah Xamineyî tenê riya rawestana  li hember deshilatû timakariyên  qawetên serdestîxwaz bitaybet Emerîkayê, hesta  bihzbûna gelan û dewletên  navçê û bikaranîna  wê da zanîn  û tekez kir: Ger em  paşde vekişin, dê dijmin pêşde  were.

 

Sep 17, 2017 15:57 Asia/Tehran