• Serleşker Baqirî: Qaweta mûşekî ya Îranê nayê danûstandin û muzakirekirinê

Serokê Erkantiya Giştî ya Hêzên Çekdar ên Îranê, diyar kir ku qaweta mûşekî ya Komara Îslamî ya Îranê jibo berevaniyê ye û nayê muzakirekirinê.

Li gorî rapora Sipah Newsê,serdar serleşker Muhemed Baqirî, roja duşemiyê li civîna fermandeyên hêza bejahiyê ya Sipahê Pasdarên Inqilaba Îslamî li Meşhedê bal kişand ser vê yekê ku hêza amadetî û berevaniya  xwe jibo rawestana li ber gefên dijmin parastiye û jorde biriye û got: Îran bi sekinîna  ser stratejiya  pêkanîna zirûfan a ber bi pêş û berdewam a berevaniyê kariye tevî berevaniya ji sînorên welêt û alîkariya bo welatên mêhwera berxwedanê jibo rawestana li ber terorîstên tekfîrî, ewlehiyeke balkêş jibo gelê xwe pêk bîne.

 Serokê Erkantiya Giştî ya Hêzên Çekdar ên Îranê her wiha bal kişand ser gotinên mudaxilekirane  yên rayedarên eskerî yên Emerîkayê ku behsa pêwîstiya guhertina  nizamê li Îranê kirine û destnîşan kir: Rayedarên  emerîkî bila hinekî maqûltir, hêjatir li bara Îranê ku bi serbilindî û xurtî li hember hemî komployan rawestaye, biaxivin.

Serleşkir Baqirî, serokê Erkantiya Giştî ya Hêzên Çekdar ên Îranê bal kişand ser boykotên  li dijî Îranê yên Senaya Emerîkayê û got: Gelê Îranê tim  li hember nizama  serdestîxwaz û îstikbarê bitaybet Emerîkayê rawestaye û rojbirojê xurttir buye lewma dê boykotên din jî bibin weke derfetekê jibo geşatî, pêşketin û serbixwetiyê.

 Wî destnîşan kir: Danîna  Sipahê pasdarên  Inqilaba  Îslamî û grûpên terorîstî di rêzekê de û cihanîna  boykotên bi vî rengî jibo sipahê  ji aliyê Waşengtonê, rîsekeke mezin ji bo Emerîkayê û navend û hêzên  wan li navçê ye.

  Serokê Erkantiya Giştî ya Hêzên Çekdar ên Îranê her wiha  hilêxistian mijara lidarxistian giştpirsiya li Herêma Kurdistana Iraqê, destpêkek jibo çareserkirina  pirsgirêkên nû li vê navçeyê da zanîn û tekez kir: Ev mijara  qet ji aliyê cîranên Iraqê ve nayê qebûlkirin û parastina serbixwetî û yekperçetiya Iraqê ser xêr û kara hemî qewm û etnîk, mezheb û beşên curbicur ên vî welatî ye.

 

Jul 17, 2017 15:51 Asia/Tehran