Tebax 07, 2020 18:08 Asia/Tehran
  • Sonamiya dopîngê di nav Woşoya Îranê de

Piştî Hemîd Riza Qolîpûr û Muîn Teqewî, sandakara wezin giran a tîma neteweyî ya jinên Îranê bû woşokara sêyem ku dopîng kiriye.

Li gor rapora ISNAyê piştî eşkerabûna dopînga Hemîd Riza Qolîpûr û Muîn Teqewî du sandakarên zîv û zêr ên tîma netewyiya Îranê li hevrikiyên Kûpa Cîhanî ya 2018 a Çînê, Fedrasiyona Cîhanî hikmê dopînga Meryem Haşimî sandakara tîma neteweyiya jinan a Îranê li hevrikiyên şampiyona cîhanî ya 2019 ya Woşoyê jî derxist, bi vî awayî eva woşokara sêyemîn a Îranê ye ku dopîng kiriye.

Meryem Haşimî di van hevrikiyan de medala zêr bi dest xistibû ku ev medal jê tê standin.

Îranê li beşa sandayê ya van hevrikiyan 8 zêr standibû ku ji bo cara duyem bûbû qehremanê cîhanê û niha zêreke wê kêm dibe û dibe 7 zêr û Çînê jî şeş medalên zêr, zîvek û tûncek standibû ku li rêza duyem cih girt. 

Li gor hikmê Fedrasiyona cîhanî Haşimî ji 21 Çiriya 1019 heya 21 Çiriya 2023 yanî ji bo 4 salan nikare li pêşbirkeyên fermî beşdarî bike. Sandakara tîma neteweyî ya jinên Îranê heya 14 rojên din derfet heye ku derheq vê hikmê nerazîbûna xwe nîşanî dadgeha daweriya werzişê.   

Serepeyv

Nêrîn