• Li  Li parêzgeha Kurdistanê  festîvala helbest û çîrokên kurdî tê lidarxistin

Serokatiya Komîteya Hunerê ya parzêgeha Kurdistanê diyar kir ku dê îsal 9em Festîvala Helbest û Çîrokan were birêvebirin

Li gorî agahiyên ajansa Mehrê, Lijneya Rêveber a 9em Festîvala Parêzgayî ya Helbest û Çîrokan li Kurdistanê bi amadebûna mamosteyên çand û wêjeya kurdî civîna xwe li dar xist.

Di civînê de mamaosteyên helbest û çîrokên kurdî Rehîm Loqmanî, Kambîz Kerîmî, Mihemed Riza Kelhûrî, Emced Weysî, Riza Emîrî, Hadî Yûsifî, Bêhruz Xeyriye û Îrec Kakî amade bûn.

Ev festîval her sal ji bo rêzgirtina li hemberî mamosteyên kurdî tê birêvebirin û herwisa festîvala 8em ji bo bîranîna çîroknûsê kurd Seyid Îbrahîm Stûde hatibû lidarxistin. Tê payîn ku festîvala îsal jî li ser navê mamaosteyê wêje û helbestvanê kurd Seyid Mehmûd Guleş were birêvebirin.

Di vê festîvalê de dê di warê helbest û çîrokê de beşdarbûn pêkan be û dê bi zimanê kurdî û farisî be. Herwisa dê div ê festîvalê de helbest û çîroka herî baş a ciwanên kurd were hilbijratin.

Jan 09, 2018 20:39 Asia/Tehran