Serokê Komara Islamî ya Îranê dê Yekşemê here Tirkîyê
Îlon 13, 2019 18:26 Asia/Tehran
Serokê Komara Islamî ya Îranê bi merema pişkdarîya di civîna sêalî ya Serokên Îran, Ûrsêt û Tirkîyê yê roja Yekşem 15`ê Îlonê here Enqerê.
Ligorî rapora Navenda Ragihandinê ya Dezgeha Serokomartîyê, Serokê Komara Islamî ya Îranê Hesen Rûhanî ligorî gazîkirina Serokomarê Tirkîyê Receb Teyîb Erdogan jibo pişkdarî û axavtina di pêncemîn dewra civîna sêalî ya Têhran, Moskow û Enqerê têkildarî demajoya çareserkirina qeyrana Sûrîyê ku wê roja Duşemê were lidarxistinê, here Enqerê.
Serokomarên Îran, Ûrsêt û Tirkîyê bilî muzakireya derbarê qeyrana Sûrîyê de, yê derbarê hevkarîya sêalî ya di warên aborî û têkilîyên navçeyî de gotûbêjê bikin.
