Zerîf: Îran amadeyî berfirehkirina peywedniyan bi Lubnanê re ye
Wezîrê karên derve yê Komara Îslamî ya Îranê li hevdîtina bi serokwezîrê Lubnanê teqez kir ku Îran amadeyî berfirehkirina peywendiyan bi Lubnanê re li hemî waran e.
Li gorî rapora IRNA`yê, Muhemed Cewad Zerîf, wezîrê karên derve yê Îranê berêvara roja duşemiyê li hevdîtina bi Sed Herîrîr serokwezîrê Lubnanê li Beyrûtê damezrandina dewleta nû ya vî welatî, wê weke destkewteke giring bo lubnaniyan da zanîn.
Zerîf li vê hevdîtinê hêvî kir ku avakirina dewleta Lubnanê ku li gor dengê gel li hilbijartinên parlemanî yên vê dawiyê bûye, roleke giring li pêşdebirina karûbarên vî welatî hebe.
Wezîrê karên derve yê Komara Îslamî ya Îranê li hevdîtina bi Herîrî re destnîşan kir ku Îran amadeyî berfirehkirina peywendiyan bi Lubnanê re li hemî waran e.
Herîrî serokwezîrê Lubnanê jî li vê hevdîtinê ser geşatiya peywendiyên dualî navbera Têhran û Beyrûtê teqez kir.
Zerîf pêştir bi Mîşl Ewn serokkomar, Nebîh Bêrî serokê parlemanê û Cebran Basîl, wezîrê karên derve yê Lubnanê jî hevdîtin pêk anî û li bara meselên li gor elaqeta her du aliyan bi taybet riyên xurtkirina têkiliyên her du welatan û meselên navçeyî gotûbêj kiribû.
Her wiha cejna çilemîn salvegera serketina Inqilaba Îslamî ya Îranê bi beşdariya Muhemed Cewad Zerîf wezîrê karên derev yê Îranê li Beyrûta paytexta Lubnanê hat lidarxistin.
Wezîrê karên derve yê Îranê li vê merasimê tevî pîrozkirina salvegera serketina Inqilaba Îslamî ya Îranê bo hemî îraniyan û hemî azadîxwazên cîhanê ji gelê Lubnanê ji ber hevrêtiya bi azadîxwaziya gelê Îranê li salên piştî Inqilaba Îslamî sipasî kir.
